Þjónusta
Flísalagnir
Flísalagnir er ein af sérgreinum okkar. Það borgar sig að vanda vel til verka þegar flísalagnir eru annars vegar til að útkoman verði góð. Undirvinnan fyrir flísalagnir er ekki síður mikilvæg en lögnin sjálf til að niðurstaðan verði sem best.
Við tökum að okkur
- Flísalagnir á baðherbergjum
- Flísalagnir í votrýmum
- Flísalagnir á gólfum og veggjum
- Undirbúning fyrir flísalögn
- Flotun þar sem undirlag þarf að jafna
- Fúgun, silicon og frágangur
- Viðhald og endurnýjun eldri flísalagna
Hvernig verkið er undirbúið
Fyrir flísalögn er byrjað á að mæla viðkomandi rými, svo deiling flísa komi sem best út. Flota getur þurft gólf ef undirlagið er ekki nægilega rétt eða slétt. Þess þarf að gæta að flöturinn sé hreinn áður en bindigrunnur er borinn á og að lokað hafi verið fyrir gólfhita. Á baðherbergi og önnur votrými er nauðsynlegt að borin sé á gúmmíkvoða og staðsettur þensluborði þar sem þess er þörf, áður en flísalögn hefst.
Frágangur sem á að endast
Fúgun eftir flísalögn hefst þegar flísalímið hefur harðnað. Eftir fúgun og hreinsun flísa er borið silicon í þensluraufar til sveppa- og mygluvarna. Flísalagnir starfsmanna hjá Ara Oddssyni ehf. eru unnar samkvæmt ítrustu kröfum og við tökum ábyrgð á okkar vinnu.
Dæmi úr fyrri flísaverkefnum
